മാണിയൂര്‍: ദാറുല്‍ ഹുദാ
സര്‍വകലാശാലയുടെ ഓഫ് ക്യാംപസുകളിലെയും യു.ജി സ്ഥാപനങ്ങളിലെയും പ്രതിഭകള്‍ മാറ്റുരക്കുന്ന അഞ്ചാമത് സിബാഖ് ദേശീയ കലോത്സവത്തിന്റെ ബിദായ വിഭാഗം (സെക്കന്‍ററി നാല്, അഞ്ച് വര്‍ഷം) മത്സരങ്ങള്‍ക്ക് മാണിയൂര്‍ ശംസുല്‍ ഉലമ മെമ്മോറിയല്‍ ബുസ്താനുല്‍ ഉലൂം അറബിക് കോളജില്‍ നാളെ തുടക്കമാവും.ഇസ്ലാമിക കലാപ്രകടനങ്ങളുടെ തനിമയും ഇസ്ലാമിക കലയുടെ പാരമ്പര്യവും സംസ്കാരവും ആസ്വാദനത്തിന്‍റെ തെളിമയും പ്രതിഫലിക്കുന്ന മത്സരങ്ങളാണ് ഇന്നു മുതല്‍ ഞായാറാഴ്ച വരെ ക്യാംപസില്‍ അരങ്ങേറുന്നത്. വാദി ഹുദ, വാദി ത്വയ്ബ, വാദി സ്വഫ, വാദി നൂര്‍ എന്നീ നാലു വേദികളിലാണ് മത്സരങ്ങള്‍ നടക്കുന്നത്.ഇരുപത് സ്ഥാപനങ്ങളില്‍ നിന്നായി നാനൂറ്റി അമ്പത് മത്സരാര്‍ത്ഥികള്‍ പങ്കെടുക്കും.നാളെ വൈകുന്നേരം 6:30 നു നടക്കുന്ന ഉദ്ഘാടന സമ്മേളനം സമസ്ത കേരള ജംഇയ്യത്തുല്‍ ഉലമ കേന്ദ്ര മുശാവറാംഗവും ബുസ്താനുല്‍ ഉലൂം പ്രസിഡന്‍റുമായ മാണിയൂര്‍ അഹ്മദ് മുസ്ലിയാറുടെ അധ്യക്ഷതയില്‍ പുരാവസ്തു, തുറമുഖ വകുപ്പുമന്ത്രി കടന്നപ്പള്ളി രാമചന്ദ്രന്‍ ഉല്‍ഘാടനം ചെയ്യും. ബുസ്താനുല്‍ ഉലൂം ജനറല്‍ സെക്രട്ടറി സി.കെ.കെ മാണിയൂര്‍ ആമുഖഭാഷണം നടത്തും. ദാറുല്‍ ഹുദാ ഇസ്ലാമിക് യൂനിവേഴ്സിറ്റി റജിസ്ട്രാര്‍ ജാബിറലി ഹുദവി മുഖ്യാഥിയാവും. മൊയ്ദീന്‍ ഹാജി കമ്പില്‍, ഹസന്‍ മുസ്ലിയാര്‍ ഏര്യം, അബ്ദുസ്സമദ് മുട്ടം, അബ്ദുല്‍ ഫത്താഹ് ദാരിമി, ഇസ്മായീല്‍ ബാഖവി, കെ.കെ അബ്ദുര്‍റഹ്മാന്‍ മാസ്റ്റര്‍, ടി.പി ഖാദര്‍ കുട്ടി മാസ്റ്റര്‍, മുസ്തഫ എളമ്പാറ, അസീസ് ഹാജി കല്ലല്‍ചിറ, മുഹമ്മദ് ശാഫി ഹാജി സി.സി, ഇബ്റാഹിം എടവച്ചാല്‍, ലത്തീഫ് എടവച്ചാല്‍, അബ്ദുള്ള റബ്ബാനി, ഇസ്മായീല്‍ ഹാജി പടന്നോട്ട്, അബൂബകര്‍ ഹാജി പുഴക്കര, നൂറുദ്ധീന്‍ ഹുദവി മാണിയൂര്‍, അബ്ദുള്ള ഹുദവി ബുസ്താനി പ്രസംഗിക്കും. കലോത്സവത്തിന്റെ പ്രചരാര്‍ത്ഥം ഇന്ന് സിബാഖ് വിളംബര റാലി സംഘടിപ്പിച്ചു. ബുസ്താനുല്‍ ഉലൂം ജനറല്‍ സെക്രട്ടറി സി.കെ.കെ മാണിയൂര്‍ സിബാഖ് സന്ദേശം നല്‍കി. പ്രിന്‍സിപ്പാള്‍ ജംശീദ് ബാഖവി ഹൈതമി, നൂറുദ്ധീന്‍ ഹുദവി, ഹസീബ് ഹുദവി, ഹാരിസ് ഹുദവി സംസാരിച്ചു.
